Sportinq son 19 ildə ilk dəfə Portuqaliya çempionu oldu

Portuqaliyanın 2020/2021 mövsümü çempionatının 32-ci turunun matçında "Sportinq" doğma meydanda "Boavişta"nı qəbul edib.

Corner.az xəbər verir ki, görüş meydan sahiblərin 1:0 hesablı qələbəsi ilə yekunlaşıb. Matçda yeganə qolu Paulinyu qeyd edib.

Bu qələbədən sonra “Sportinq” 82 xal toplayıb və 74 xala sahib olan ən yaxın təqibçisi “Portu”dan xal fərqini 8-ə yüksəldib. Turnir cədvəlində üçüncü yeri 70 xalla “Benfika” tutur. 

“Sportinq” bu kuboku son dəfə 2001/2002 mövsümündə qazanıb.

Bu, “Sportinq”in Portuqaliya çempionatında 19-cu çempionluğudur. Çempion titulu üzrə lider "Benfika"dır. Bu, komanda 37 dəfə ölkə çempionu olub.