Ukraynanın “Kolos” klubu ötən gün daha iki yoxlama oyunu keçirib.
Corner.az xəbər verir ki, millimizin hücumçusu Anatoli Nuriyevin çıxış etdiyi kollektiv əvvəlcə “Kramatorsk”la qarşılaşıb.
Futbolçumuzun komandası bu oyundan 1:0 hesabı ilə qalib ayrılıb. Nuriyev bu görüşdə 90 dəqiqə meydanda olub.
İkinci matçda “Kolos”un rəqibi “Dnepr-1” olub. Bu oyunda isə qalib müəyyənləşməyib. Nuriyev bu görüşdə də iştirak edib. Millimizin üzvü 62-ci dəqiqədə meydana buraxılıb.
Qeyd edək ki, Nuriyev daha öncə “Aleksandriya” ilə yoxlama qarşılaşmasında (2:0) iştirak etmiş və həmin oyunda penaltidən qol vurmuşdu.