Van Persie futboldan gedir
Hollandiya millisinin sabiq hücumçusu Robin Van Persie karyerasını bitirəcəyi vaxtı açıqlayıb.
Corner.az məlumat verir ki, “Feyenoord”da çıxış edən 35 yaşlı futbolçu Hollandiya mətbuatına verdiyi açıqlamada mövsümün sonunda futbolla vidalaşacağını deyib:“Hazırda 35 yaşım var. Mövsümün sonunda karyeramı bitirməyi düşünürəm. 18 ildir ki, peşəkar futbolla məşğulam. “Feyenoord"a qayıtmazdan əvvəl futbol artıq mənə sevinc bəxş etmirdi. Amma Hollandiyada o hisslər yenidən qayıtdı. Qeyd edək ki, Van Persie 2001-2004-cü illərdə “Feyenoord”da çıxış edib. O, “Arsenal”, “Manchester United” və “Fənərbaxça”nın da şərəfini qoruyub. 102 dəfə Hollandiya millisinin formasını geyinən futbolçu 50 qola imza atıb.(qol.az)
