Beckhama ABŞ-da heykəl qoyuldu
İngiltərə futbolunun canlı əfsanəsi David Beckhamın ABŞ-da heykəli ucaldılıb.
Corner.az xəbər verir ki, veteran futbolçunun sabiq klubu “Los Angeles Galaxy”nin təşəbbüsü ilə inşa edilən heykəlin ötən günlərdə açılışı olub. MLS tarixində heykəli ucaldılan ilk futbolçu olan Beckham təqdimat mərasimində bu sözləri deyib: “Bizim şəhərimiz, bizim evimiz. Ailəmlə birlikdə bura gəldiyim ilk gündən bəri özümü evimdə kimi hiss etdim və buna görə sizə sonsuzadək minnətdar olacağam”.Qeyd edək ki, “Manchester United”, “Real Madrid”, “Milan” kimi komandalarda çıxış edən D. Beckhamın son klubu PSG olub.
