- Xəbər news
- 22:34 14.11.2024
Azərbaycanlı yarımmüdafiəçi Orxan Qurbanlı futbol üzrə Moldova çempionatında növbəti matçına çıxıb.
Corner.az xəbər verir ki, onun formasını geyindiyi “Dinamo-Avto” ölkə çempionatının 6-cı turu çərçivəsində doğma meydanda “Petrokub” ilə qarşılaşıb.
Futbolçumuzun komandası bu oyunda məğlubiyyətlə üzləşib – 0:2. Orxan da bu görüşün iştirakçısı olub. O, start heyətdə meydana çıxıb və 75-ci dəqiqədə əvəzlənib.
“Dinamo-Avto” bu mövsüm Moldova çempionatında keçirdiyi 6 oyunda 4 xal toplayıb və 8 iştirakçı arasında 7-ci pillədə qərarlaşıb.
