Futbol üzrə Ukrayna Premyer Liqasında 5-ci turun oyunları keçirilib.
Corner.az xəbər verir ki, Azərbaycan millisinin yarımmüdafiəçisi Anatoli Nuriyevin formasını geyindiyi “Kolos” da növbəti matçına çıxıb.
Sözügedən kollektiv doğma meydanda “Aleksandriya”nı qəbul edib. Futbolçumuzun komandası bu görüşdə məğlubiyyətlə üzləşib – 0:1.
Nuriyev bu görüşün iştirakçısı olmayıb. O, sonadək ehtiyatda qalıb.
“Kolos” 5 turdan sonra 5 xalla 9-cu pillədə qərarlaşıb. Komandanın ehtiyatda da bir oyunu var.
