Juventus-un baş məşqçisi Massimiliano Allegri ÇL-nin 1/8 finalının cavab qarşılaşmasında Atletico üzərində qələbəni şərh edib.
Corner.az xəbər verir ki, çalışdırıcı komandasının fantastik oyun sərgilədiyini deyib.
“Futbolçularımdan çox razıyam. Bu oyunda dəqiqlik, aqressiya və yüksək texnika nümayiş etdirdik. Birinci matçda da bunu planlaşdırmışdıq. Alınmadı. Madriddə ləng hərəkət edirdik. Təzyiq göstərmək mümkün olmurdu. Buna görə cavab qarşılaşmasında taktiki plana cüzi dəyişiklik etməli olduq. Matçın əsəbi keçəcəyini bilirdim. Futbolçularıma tapşırmışdım ki, sakit tərzdə oynasınlar. Əks halda problem yaşaya bilərdik. Spinazzola, Bernardeschi əla oynadı. Düzü, bir az narahat idim. Komandamın əzmkarlığı, cəsarətli oyunu narahatlığı aradan qaldırdı”, - Allegri deyib.
"Goal.az"
