Kipr çempionatında 3-cü turun oyunları keçirilib. Corner.az xəbər verir ki, azərbaycanlı yarımmüdafiəçi Araz Abdullayevin çıxış etdiyi “Etnikos” da növbəti matçına çıxıb.
Sözügedən kollektiv səfərdə “Anortosis”in qonağı olub. Futbolçumuzun komandası bu oyunda məğlubiyyətlə üzləşib – 1:2.
Araz da bu görüşün iştirakçısı olub. O, sabiq komandası ilə oyunda start heyətdə meydana çıxıb və sonadək mübarizə aparıb.
Keçirdiyi bütün oyunlardan məğlub ayrılan “Etnikos” 3 turdan sonra 12 kollektiv arasında sonuncu pillədə qərarlaşıb.
Xatırladaq ki, Araz Abdullayev 2017/18 mövsümündə “Anortosis”də çıxış edib.
