Mahir Emrelidən Polşada növbəti qol

 Polşa çempionatında 9-cu turun oyunları keçirilir.

Corner.az xəbər verir ki, azərbaycanlı hücumçu Mahir Emrelinin formasını geyindiyi “Legiya” da növbəti matçına çıxıb.

Sözügedən kollektiv doğma meydanda “Rakuv”la qarşılaşıb. Futbolçumuzun komandası bu oyunda məğlubiyyətlə üzləşib– 2:3.

Mahir də bu görüşün iştirakçısı olub. Millimizin hücumçusu komandasının start heyətində meydana çıxıb və sonadək mübarizə aparıb. Komandasının ilk qolunu da 34-cü dəqiqədə məhz Emreli vurub.

9 turdan sonra 9 xalı olan “Legiya” 18 komanda arasında 14-cü pillədə qərarlaşıb. Bu komandanın ehtiyatda əvvəlki turlardan təxirə salınmış iki oyunu da var.