Super Liqada qalmaqal: Oyun təxirə salındı - FOTO

Yunanıstan Super Liqasının 25-ci turunda keçirilən “Panatinaikos” – “Olympiakos” matçı 70-ci dəqiqədə təxirə salınıb.

Corner.az xarici mətbuata istinadən xəbər verir ki, oyunun dayandırılmasına səbəb, azarkeşlərin meydana daxil olması olub.Oyun dayandıqdan sonra da polis və komandaların azarkeşləri arasında qalmaqal baş verib. Polis azarkeşlərə qarşı gözyaşardıcı qazdan istifadə edib.

Qeyd edək ki, “Panatinaikos” – “Olympiakos” matçında 53-cü dəqiqədə, qonaqların futbolçusu Migel Anxel Gerreronun vurduğu qoldan sonra azarkeşlər arasında qarşıdurma yaranıb.