Ukrayna Premyer Liqasında 11-ci turun oyunları keçirilib. Corner.az xəbər verir ki, azərbaycanlı futbolçular – Rüstəm Əhmədzadə ilə Eldar Quliyevin formasını geyindiyi “Minay” da növbəti matçına çıxıb.
Sözügedən kollektiv doğma meydanda “Desna”nı qəbul edib. Futbolçularımızın komandası bu oyundan heç-heçə ilə ayrılıb – 0:0.
Eldarla Rüstəm də bu oyunun iştirakçısı olub. Onlar start heyətdə meydana çıxıblar. Rüstəm sonadək meydanda qalıbsa, Eldar 76-cı dəqiqədə əvəzlənib. Əhmədzadə 56-cı dəqiqədə sarı vərəqə ilə də cəzalanıb.
11 turdan sonra 7 xalı olan “Minay” 16 kollektiv arasında 13-cü pillədə qərarlaşıb. Sözügedən komandanın ehtiyatda da əvvəlki turlardan təxirə salınmış bir oyunu var.
