Belarus çempionatında 17-ci turdan təxirə salınmış oyunlar keçirilib. Corner.az xəbər verir ki, Azərbaycan yığmasının hücumçusu Ruslan Qurbanovun komandası “Slaviya” (Mozır) da növbəti matçına çıxıb.
Sözügedən kollektiv səfərdə “Jodino”nun qonağı olub. Azərbaycanlı futbolçunun komandası bu oyunda məğlubiyyətlə üzləşib – 0:2.
Ruslan da bu görüşün iştirakçısı olub. O, komandasının start heyətində meydana çıxıb və 57-ci dəqiqədə əvəzlənib.
“Slaviya” hazırda 27 xalla 16 kollektiv arasında 14-cü pillədə qərarlaşıb.
