Moldova çempionatında 16-cı turun oyunları keçirilib. Corner.az xəbər verir ki, azərbaycanlı futbolçu Orxan Qurbanlının formasını geyindiyi “Dinamo-Avto” da növbəti matçına çıxıb.
Sözügedən kollektiv doğma meydanda “Sfintul George”ni qəbul edib. Futbolçumuzun komandası bu oyunda minimal hesabla məğlub olub - 0:1.
Orxan da bu görüşün iştirakçısı olub. O, 89-cu dəqiqədə meydana buraxılıb.
Keçirdiyi 16 oyunda 17 xal toplayan “Dinamo-Avto” 8 iştirakçı arasında 6-cı pillədə qərarlaşıb.
