Yamaykanın futbol tarixinin rəmzi komandası açıqlanıb. Corner.az xəbər verir ki, Beynəlxalq Futbol Tarixi və Statistikaları Federasiyası (İFFHS) adıçəkilən ölkənin simvolik 11-liyini müəyyənləşdirib.
"Qəbələ”nin sabiq futbolçusu Deon Barton da Yamayka tarixinin ən yaxşıları sırasında yer alıb. 4-2-4 sxeminə uyğun qurulan komandada Barton ən yaxşı hücumçular sırasında göstərilib.
Barton 2010-2012-ci illər aralığında "Qəbələ"də çıxış edib və 50 oyuna 15 qol vurub.
Qapıçı: Varren Berret;
Müdafiəçilər: Yan Qudison, Ues Morqan, Rikardo Qardner, Frenk Sinkleyr;
Yarımmüdafiəçilər: Robbi İrl, Darril Pouell;
Hücumçular: Leon Beyli, Lindi Delapenya, Deon Barton, Gil Heron.
