- Xəbər news
- 22:34 14.11.2024
Futbol üzrə Moldova çempionatında 18-ci turun oyunları keçirilib.
Corner.az xəbər verir ki, azərbaycanlı futbolçu Orxan Qurbanlının formasını geyindiyi “Dinamo-Avto” da növbəti matçına çıxıb.
Sözügedən kollektiv doğma meydanda “Balti”ni qəbul edib. Futbolçumuzun komandası bu oyunda minimal hesablı qələbə qazanıb – 1:0.
Orxan da bu görüşün iştirakçısı olub. O, start heyətdə meydana çıxıb və sonadək mübarizə aparıb.
Keçirdiyi 18 oyunda 23 xal toplayan “Dinamo-Avto” 8 iştirakçı arasında 5-ci pillədə qərarlaşıb.
