Robert Levandovski ilin futbolçusu seçildi

Polşa millisinin və "Bavariya"nın hücumçusu Robert Levandovski 2021-ci ilin ən yaxşı futbolçusu seçilib.

Corner.az xəbər verir ki, 33 yaşlı futbolçu "Tuttosport" nəşrinin versiyasına əsasən bu adın sahibi olub. O, veteran oyunçuların səsverməsi nəticəsində qalib seçilib. Səsvermədə Pavel Nedved, Andrey Şevçenko, Lotar Matteus, Xristo Stoiçkov, Samuel Eto O, Alessandro Kostakurta və Ruy Koşta kimi ulduz futbolçular iştirak ediblər.

İkinci yeri İngiltərənin "Çelsi" klubunun italiyalı yarımmüdafiəçisi Jorjinyo tutub. Argentina yığmasının və Fransa PSJ-sinin forvardı Lionel Messi isə 3-cü olub.