Başa düşmürəm, oyunu niyə təxirə salmadılar?

“Mançester Siti”in yarımmüdafiəçisi Bernardo Silva Portuqaliya çempionatının 12-ci turu çərçivəsində “Belenenseş” – “Benfika” oyunu ilə bağlı açıqlama verib.

Corner.az xəbər verir ki, portuqaliyalı futbolçu “tvitter” səhifəsində ölkədə skandala səbəb olan oyunla narazılığını ifadə edib:

“Bu nədir? Başa düşmürəm, oyunu niyə təxirə salmadılar?”

Xatırladaq ki, “Belenenseş” koronavirus səbəbindən “Benfika” ilə matça 9 futbolçu ilə çıxıb.  İlk hissədə 7-0 hesabı ilə uduzan ev sahibləri meydanda 6 nəfərlə qaldığına görə baş hakim oyunu yarımçıq dayandırıb və komandaya məğlubiyyət verilib.