Barselona'nın futbolçusu 3-cü dəfə ən yaxşı seçildi

Beynəlxalq Futbol Tarixi və Statistikaları Federasiyası (IFFHS) 2021-ci ilin ən yaxşı gənc (U-20) futbolçusunu açıqlayıb.

Corner.az xəbər verir ki, bu ada “Barselona”nın yarımmüdafiəçisi Pedri layiq görülüb.

19 yaşlı yarımmüdafiəçi 105 xalla bütün rəqiblərini qabaqlayıb.

1. Pedri (İspaniya – “Barselona”) – 105 xal
2. Camal Musiala (Almaniya – “Bayern”) – 45
3. Erik Qarsiya (İspaniya – “Barselona”) – 20
4. Meyson Qrinvud (İngiltərə – “Mançester Yunayted”) – 15
5. Eduard Kamavinqa (Fransa – “Real”) – 15.

İspaniyalı futbolçu bundan əvvəl 2021-ci təqvim ili üzrə ilin ən yaxşı gənc oyunçusuna verilən “qızıl oğlan” (Golden boy) mükafatının və “France Football” nəşrinin versiyasına əsasən ilin ən yaxşı gənc futbolçusu nominasiyasının qalibi olub.