Messiyə 30 milyon avroluq şok itki - FOTO

Fransanın PSJ klubunun futbolçusu Lionel Messinin İspaniyanın Barselona şəhərinin cənubunda yerləşən oteli sökülə bilər.

Corner.az xəbər verir ki, bu barədə “El Confidencial” nəşri məlumat yayıb.

Məlumatda, Messinin 2017-ci ildə 30 milyon avroya satın aldığı 77 otaqlı otelin şəhər standartlarına uyğun olmadığı səbəbindən sökülə biləcəyini bildirilib.

İddiaya görə, oteli 4 il əvvəl Messiyə satan şəxs gələcəkdə buranın söküləcəyindən xəbərdar olsa da bu haqda argentinalı hücumçuya məlumat vermədən satışı reallaşdırıb.

Messi hazırda PSJ-də illik 30 milyon avro qazanır.