Liverpul'a hörmət var, amma Kloppa yox

Seneqal milli komandasının baş məşqçisi Aliu Sisse “Liverpul”un çalışdırıcısı Yurgen Kloppun Afrika Millətlər kuboku turnirini zəif görməsinə münasibət bildirib.

Corner.az xarici mətbuata istinadən xəbər verir ki, Sisse, alman mütəxəssisin afrikalı futbolçular hesabına Premyer Liqada yaxşı mübarizə apardığını söyləyib:

“Seneqal millisini çalışdırıram və futbolçu yetişdirirəm. Onlar Kloppun “Liverpul”unda oynayır. Mən kluba hörmət edirəm, amma Kloppa yox. Hansı ki, o, Afrika Millətlər kubokunun nüfuzunu zədələməyə çalışır.

Klopp afrikalı futbolçuların hesabına olduğu yerdədir. Hər finalı Məhəmməd Salah, Sadio Mane, Joel Matip kimi oyunçuların hesabına qazanır”.