Polşa çempionatında 18-ci turun oyunları keçirilib. Corner.az xəbər verir ki, azərbaycanlı hücumçu Mahir Emrelinin çıxış etdiyi “Legiya” da növbəti matçına çıxıb.
Varşava təmsilçisi səfərdə Azərbaycan millisinin digər futbolçusu Anton Krivotsyukun komandası – “Visla Plotsk"un qonağı olub. Görüş meydan sahiblərinin minimal hesablı qələbəsiylə başa çatıb – 1:0.
Mahir də bu görüşün iştirakçısı olub. O, start heyətdə meydana çıxıb və 73-cü dəqiqədə əvəzlənib.
Krivotsyuk isə sarı vərəqə limitini doldurduğu üçün bu görüşdə komandasına kömək edə bilməyib.
“Visla” 18 oyuna topladığı 26 xalla 18 kollektiv arasında 7-cidir. “Legiya” isə 12 xalla sonuncu pillədə qərarlaşıb.
