FİFA ilin rəmzi yığmasına namizəd futbolçuları açıqladı

FIFA 2021-ci ilin rəmzi yığmasına düşməyə namizəd futbolçuların adlarını açıqlayıb.

Corner.az-ın məlumatına görə, 23 nəfərlik siyahıda PSJ-nin hücumçusu Lionel Messi və  "Mançester Yunayted"də çıxış edən Kriştiano Ronaldo da yer alıb.

Simvolik komandanın yekun tərkibi jurnalistlər, baş məşqçilər və komanda kapitanlarından ibarət beynəlxalq jürinin səsverməsi əsasında müəyyənləşəcək.

Qapıçılar: Alisson Beker - ("Liverpul", İngiltərə), Canluici Donnarumma (PSJ, Fransa), Eduar Mendi - ("Çelsi", Seneqal)

Müdafiəçilər: David Alaba ("Real Madrid", İspaniya), Jordi Alba, Dani Alveş (hər ikisi "Barselona", İspaniya), Trent Aleksander-Arnold ("Liverpul"), Leonardo Bonuççi (İtaliya / "Yuventus"), Ruben Diaş (Portuqaliya / "Mançester Siti")

Yarımmüdafiəçilər: Serxio Buskets, Frenki De Yonq (hər ikisi "Barselona"), Kevin de Brüyne ("Mançester Siti"), Brunu Fernandeş ("Mançester Yunayted"), Jorjinyo, N Qolo Kante (hər ikisi "Çelsi")

Hücumçular: Kərim Benzema ("Real Madrid"), Kriştiano Ronaldo ("Maneçster Yunayted"), Erlinq Holann ("Borussiya" Dortmund, Almaniya), Robert Levandovski ("Bavariya", Almaniya), Romelu Lukaku ("Çelsi"), Lionel Messi, Neymar, Kilian Mbappe (hamısı PSJ)

Qeyd edək ki, qaliblər 2022-ci il yanvarın 17-də "The Best" mükafatının təqdimetmə mərasimində açıqlanacaq.