"Portu” Portuqaliya çempionatının 17-ci turunda “Eştoril”ə qalib gəlib – 3:2. Corner.az xəbər verir ki, “Portu”ya qələbə gətirən qola komandanın baş məşqçisi Serjio Konseysaonun oğlu Fransisko Konseysao imza atıb.
19 yaşlı hücumçu 87-ci dəqiqədə meydana daxil olub və 89-cu dəqiqədə komandasının qələbə qolunu vurub.
“Portu”nun baş məşqçisi Serjio Konseysaonun 5 oğlu var və onlardan 3-ü futbolçudur.
Portuqaliyanın U-21 millisində çıxış edən Fransisko bu mövsüm “Portu” ilə çempionatda 12 oyunda 1 qolla yadda qalıb.
“Portu” Portuqaliya çempionatında 17 turdan sonra 47 xalla liderdir.
