Mançester Yunayted'in futbolçusu həbs olundu

“Mançester Yunayted”in futbolçusu Meyson Qrinvud sevgilisi Herriet Robsona təcavüzdə şübhəli bilinərək həbs olunub.

Corner.az xəbər verir ki, bu barədə AP məlumat yayıb.

Mançester polisi rəsmi internet saytında adı açıqlanmayan qızı döyməkdə və zorlamaqda şübhəli bilinən 20 yaşlı gəncin həbs edildiyini açıqlayıb.

“O, sorğu-sual edilmək üçün həbsdə saxlanılır. İstintaq davam edir", - məlumatda bildirilib.

Xatırladaq ki, ötən gün H.Robson zorakılığa məruz qaldığını iddia edərək sosial şəbəkədə üzündə, qollarında və ayaqlarında göyərmələri əks etdirən fotolar paylaşmışdı.