Azərbaycan UEFA-nın “Feyr Pley” əmsalı üzrə qiymətləndirməsində ikinci yerə yüksəlib. Corner.az xəbər verir ki, Avropa futbol qurumu 2020/2021 mövsümü ərzində AFFA-nı bu sahədə ən çox irəliləyişə nail olmuş milli assosiasiyalardan biri kimi dəyərləndirib.
2019/2020 mövsümü ilə müqayisədə 0,217 xal irəliləyən Azərbaycan ümumi xalını 8,058-ə çatdırıb.
İlk pillədə 8,128 xalla Sloveniya qərarlaşıb. Bu ölkə mövsüm ərzində 0,282 xal qazanıb.
Qeyd edək ki, azarkeş davranışı məsələsi ilə əlaqədar qiymətləndirmə pandemiyaya görə aparılmayıb. Vərəqələr üzrə qiymətləndirmədə isə Azərbaycan hələlik nisbətən aşağı mövqedədir. (Report)
