Co Kouldan Mbappeyə məsləhət

İngiltərə millisinin keçmiş yarımmüdafiəçisi Co Koul Çempionlar Liqasının 1/8 final mərhələsində PSJ-nin “Real”ı məğlub etdiyi oyundan sonra (1:0) açıqlama verib.

Corner.az xarici mətbuata istinadən xəbər verir ki, 40 yaşlı keçmiş futbolçu, matçda yeganə qolu vuran Kilian Mbappeyə PSJ-ni “Real”a dəyişməməyi məsləhət görüb:

“Mbappenin yerində olsaydım və “Real”la PSJ arasında seçim olsaydım şübhə etmədən PSJ-də qalardım.

PSJ-də Neymar və Lionel Messi ilə oynamaq istərdim. Mbappe bu komanda ilə bütün rekordları qıra bilər. PSJ gec-tez uğur qazanacağına inanıram”.

Mbappenin bu ilin yayında PSJ-dən “Real”a transfer olunacağı gözlənilir.