Capello ÇL-dakı favoritini açıqladı

İtaliyalı futbol mütəxəssisi Fabio Capello Çempionlar Liqasının cari mövsümünün favoritinin adını açıqlayıb.

Corner.az xəbər verir ki, 72 yaşlı mütəxəssis, İtaliya mətbuatına açıqlamasında, “Juventus”un bu mövsüm ÇL-in qalibi ola biləcəyini deyib:

“Əvvəlcə favoritim “Manchester City” idi. Ancaq ÇL-da oyunlarda Premyer Liqada oynadıqları kimi oynamırlar. Hazırda favorit “Juventus”u görürəm. Amma onlar “Ajax”ı məğlub etməlidirlər. Hollandlar heç bir klubdan qorxmadıqlarını göstərdilər. “Juventus” “Ajax”ı keçsə, ÇL-in qalibi olmağa ən böyük namizəd olacaq”.

Qeyd edək ki, “Juventus” ÇL-in 1/4 final mərhələsinin ilk oyununda “Ajax”la qollu bərabərə qalıb.1-1