İmişlinin futbol komandası üçün ayrılan 150 min manatı kim yeyib?

İmişli rayonunun keçmiş icra başçısı Vilyam Hacıyevin həbs olunduğunu, hazırda məhkəmə prosesinin davam etdiyini əksəriyyət bilməmiş olmaz.

Corner.az xəbər verir ki, Hacıyevin məhkəməsində vaxtı ilə İmişlidə yaradılan “Mil-Muğan” futbol komandası ilə bağlı da ittihamlar səsləndirilib.

Məhkəmədə İmişli Rayon İcra Hakimiyyətinin Ərazi-İdarəetmə şöbəsinin müdiri Mirzə Quliyev də dindirilib.

O iddia edib ki, sabiq icra başçısı icra ümayəndələri və müavinlərinin təyinatı üçün rüşvət alırdı.

Mirzə Quliyevin sözlərinə görə, rayondakı futbol klubu – “Mil-Muğan” üçün Dövlət Neft Şirkətinin ayırdığı 150 min manat vəsait onun bank hesabına köçürülmüşdü. Həmin pulu hesabdan çıxarıb Vilyam Hacıyevə verib:

“İcra başçısının o pulu hara xərcləndiyindən xəbərim olmadı”.

Vilyam Hacıyev onu yalan danışmaqda ittiham edib:

““Dediklərin absurddur. Özün üçün şəhərin mərkəzində imarət tikmisən, burnundan gəlsin!””

V.Hacıyevin vəkili vəsatət qaldıraraq qanunsuz əməllərdə iştirakçı olduqlarını özləri etiraf etdikləri halda, bu şəxslər hələ də vəzifədə olduğunu bildirib: “Bu adamlar hələ də vəzifədədirlər. Bu necə ola bilər? Xahiş edirəm bununla bağlı Cinayət Məcəlləsinin müvafiq maddəsi ilə cinayət işi açılsın və prokurorluğa göndərilsin”.

Məhkəmə prosesi fevralın 21-də davam edəcək.

Vilyam Hacıyev Cinayət Məcəlləsinin 179.4 (xüsusilə külli miqdarda mənimsəmə), 311 (rüşvət alma) və başqa maddələrilə ittiham olunur.

O, 2004-2006-cı illərdə Göygöl rayonunun, 2006-2012-ci illərdə Samuxun, 2012-2020-ci illərdə isə İmişlinin icra başçısı vəzifəsində çalışıb.

“Mil-Muğan” futbol klubu İmişlidə “MKT-Araz” adı ilə yaradılıb. Müxtəlif