Türkiyə millisinin, “Qalatasaray” və “Fənərbaxça”nın keçmiş futbolçusu Tanju Çolak Naxçıvan Muxtar Respublikasına səfər edib. Corner.az xəbər verir ki, 58 yaşlı veteran hücumçunun səfəri Naxçıvan Futbol Federasiyasının ötən ay seçilmiş yeni sədri Vüqar Abbasovun dəvəti ilə gerçəkləşib.
Çolak Naxçıvan şəhərində Heydər Əliyev muzeyini ziyarət edib, mərkəzi stadionda və Uzunoba gölünün yanındakı süni örtüklü meydançası olan bazada olub. O, həmçinin, AFFA Region Liqası çərçivəsində yerli “Araz” (Naxçıvan) - “Şahbuz” matçını izləyib.
Tanju Çolak 1987-1991-ci illərdə “Qalatasaray”da, 1991-1993-cü illərdə “Fənərbaxça”da çıxış edib və Türkiyə çempionatında 124 oyunda 116 qol vurub.
