Donetsk “Şaxtyor”unun baş məşqçisi Roberto De Zerbi Ukraynadan ayrılmaq istəməyib. Corner.az xəbər verir ki, 43 yaşlı mütəxəssis bütün əcnəbi futbolçular evakuasiya edilənədək ölkədən ayrılmamaq qərarına gəlib.
Əksəriyyəti braziliyalı olan legionerlərin çoxu artıq Ukraynadan təxliyə olunub. Bununla belə, bir neçə italyalı futbolçunun hazırda paytaxt Kiyevdə olduğu bildirilib. De Zerbinin ölkəni tərk etmək imkanı olsa da, italiyalı mütəxəssis futbolçulara görə bundan imtina edib.
Ukrayna Premyer Liqası Rusiyanın hərbi təcavüzü ilə əlaqədar dayandırılıb. Buna görə də əcnəbi futbolçular və baş məşqçilərin əksəri Ukraynanı tərk etməyə qərar veriblər. Daha öncə Kiyev “Dinamo”sunun rumıniyalı baş məşqçisi Mirça Luçesku da Ukraynanı tərk etməyəcəyini bəyan etmişdi.
