Xorvatiya çempionatında 25-ci turun oyunları keçirilib. Corner.az xəbər verir ki, Azərbaycan millisinin hücumçusu Mahir Emrelinin komandası – Zaqreb “Dinamo”su da növbəti matçına çıxıb.
Sözügedən komanda səfərdə “Osiyek”in qonağı olub. Zaqreblilər bu oyunda minimal hesabla məğlub olub – 0:1.
Mahir bu görüşün iştirakçısı olmayıb. O, sonadək ehtiyatda qalıb.
“Dinamo” hazırda 50 xalla 10 iştirakçı arasında 2-ci pillədə qərarlaşıb. “Osiyek” bu komanda üzərində qələbə sayəsində vahid liderliyi ələ keçirib – 52 xal.
