Futbol üzrə Çexiya 2-ci divizionunda 17-ci turun oyunları keçirilib. Corner.az xəbər verir ki, azərbaycanlı futbolçu Fərid Nəbiyevin formasını geyindiyi “Viktoriya” (Jijkov) da növbəti matçına çıxıb.
Sözügedən komanda səfərdə “Pribram”ın qonağı olub. Jijkov təmsilçisi bu oyunda məğlubiyyətlə üzləşib - 1:2.
Fərid bu görüşün iştirakçısı olmayıb. Onun adı matçın iştirak ərizəsinə də daxil edilməyib.
“Viktoriya” 17 turdan sonra 10 xalla 16 kollektiv arasında sonuncu pillədə qərarlaşıb.
