Səmədov Rusiya komandaları üçün FIFA-ya müraciət edənlərə qoşuldu

Rusiya Futbol Veteranları İttifaqı FIFA və UEFA-ya açıq məktub göndərib.

Corner.az xəbər verir ki, veteran futbolçular Ukraynadakı müharibə ilə əlaqədar milli komandaların və yerli klubların beynəlxalq yarışlardan kənarlaşdırılması qərarının ləğvini xahiş ediblər.

Məktubu imzalayanlar arasında əslən azərbaycanlı sabiq yarımmüdafiəçi Aleksandr Səmədovun adı var. Siyahıda həmçinin Stanislav Çerçesov, Oleq Romantsev, Dmitri Aleniçev, Rinat Dasayev və Yeqor Titov kimi tanınmış futbolçular yer alıb.

Qeyd edək ki, Aleksandr Səmədov karyerası ərzində Moskvanın “Spartak”, “Dinamo” və “Lokomotiv” klublarında, həmçinin "Krılya Sovetov”  klublarının uğurları üçün çalışıb.