Futbol üzrə Xorvatiya çempionatında 29-cu turun oyunları keçirilib. Corner.az xəbər verir ki, Azərbaycan millisinin hücumçusu Mahir Emrelinin formasını geyindiyi Zaqreb “Dinamo”su da növbəti matçına çıxıb.
Sözügedən kollektiv doğma meydanda “Draqovolyaç”ı qəbul edib. Futbolçumuzun komandası oyunda 2:0 hesablı qələbə qazanıb.
Mahir də bu görüşün iştirakçısı olub. O, 70-ci dəqiqədə meydana buraxılıb.
Bu nəticədən sonra xalını 60-a çatdıran “Dinamo” vahid liderdir.
