Ronaldo Madrid klubundan ayrılıq səbəbini açıqladı

“Real Madrid”dən “Juventus”a transfer olunan Cristiano Ronaldo “Madrid klubu”ndan ayrılmasının səbəbini açıqlayıb.

Corner.az-ın məlumatına görə, portuqaliyalı hücumçu "France Football" nəşrinə açıqlamasında Madrid klubundan ayrılmasını əsas səbəbini klubun prezidenti Florentino Perez ilə əlaqələndirib:

“Son vaxtlar hiss edirdim ki, klubda mənə qarşı münasibət dəyişib. Xüsusilə də prezident məni əvvəlki kimi qəbul etmirdi. İlk 4-5 ildə özümü Cristiano Ronaldo kimi hiss edirdim. Daha sonra isə klub prezidenti mənə elə gözlərlə baxırdı ki, sanki bu komanda üçün vacib biri deyiləm. Məhz bu amil məni getmək barədə düşünməyə vadar etdi. Hərdən özüm haqda xəbərləri izləyirdim. Deyirdilər ki, guya mən özüm “Real Madrid”dən ayrılmaq üçün nəsə xahiş etmişəm. Bu da var idi, amma əslində Perez'in məni komandada saxlamayacağına dair təəssürat yarandığı üçün bu addımı atdım. Hər şey pulla əlaqəli olsaydı, mən Çindən təkliflər almışdım.Juventus'a pula görə getmədim. Mən eyni məbləği Madriddə də qazanırdım. Fərq ondadır ki, “Juventus” həqiqətən məni istədi”.