Futbol üzrə Latviya çempionatında 7-ci turun oyunları keçirilib. Corner.az xəbər verir ki, azərbaycanlı futbolçu Asim Əlizadənin formasını geyindiyi “Dauqavpils” səfərdə milli komandamızın sabiq hücumçusu Vüqar Əsgərovun komandasının – “Super Nova”nın qonağı olub.
Bu qarşılaşmada qapılara qol vurulmayıb. Tərəflər meydanı hərəyə 1 xalla tərk ediblər.
Azərbaycanlı futbolçuların heç biri bu görüşün iştirakçısı olmayıb. Vüqarın adı ümumiyyətlə matçın iştirak ərizəsinə daxil edilməyibsə, Asim sonadək ehtiyatda qalıb.
7 turdan sonra 9 xalı olan “Dauqavpils” 10 iştirakçı arasında 6-cı, 3 xala malik “Super Nova” isə 9-cu pillədə qərarlaşıb.
