“Çelsi”nin keçmiş futbolçusu Cimmi Floyd Hasselbaynk komandanın hücumçusu Romelu Lukakunu tənqid edib. Corner.az “Sky Sports”a istinadən xəbər verir ki, 50 yaşlı keçmiş futbolçu, belçikalı futbolçunun başqalarından daha çox şey etməli olduğunu bildirib:
“Düşünürəm ki, Tuçel çox məyusdur.Lukaku, sən ən yaxşı mövsümü keçirmirsən, fürsət əldə edirsən meydana çıxıb kiməsə kişi olduğunu göstərmək imkanın var. Get və bu istəyini göstər. Mən bunu səndə görmədim.
Mən də çox istəyirəm ki, Lukaku yaxşı çıxış etsin, komandanın ona ehtiyacı var. Sən görürsən ki, Kay Haverts mübarizə aparır, topu almaq istəyir amma hər şey alınmır, yenə də o çalışır. Lukakuda bunu görmürəm. Mən demirəm ki, bu, hər şey onun günahıdır. Amma o, komandanın lideridir, başqalarından daha çox o etməlidir”.
“Çelsi” 31 matçda 62 xal toplayıb və İngiltərə Premyer Liqasının turnir cədvəlində 3-cü yerdədir.
