Azərbaycanlı futbolçuların komandası darmadağın oldu

Futbol üzrə Latviya çempionatında 13-cü turun oyunları keçirilib.

Corner.az xəbər verir ki, azərbaycanlı futbolçular – Asim Əlizadə və Şakir Seyidovun formasını geyindikləri “Dauqavpils” də növbəti matçına çıxıb.

Sözügedən kollektiv doğma meydanda “Liepaya”nı qəbul edib. Futbolçularımızın komandası bu oyunda 0:4 hesablı məğlubiyyətə üzülüb.

Şakir də bu görüşün iştirakçısı olub. O, start heyətdə meydana çıxıb və sonadək mübarizə aparıb. Asim isə görüşü sonadək ehtiyat skamyasından izləyib.

“Dauqavpils” Şakiri “Sabah”dan, Asimi isə “Neftçi”dən icarəyə götürüb. Sözügedən komanda 13 turdan sonra 15 xalla 10 iştirakçı arasında 6-cı pillədə qərarlaşıb.