Avropanın ən dəyərli klubları bəlli oldu

Avropanın ən dəyərli klubları açıqlanıb.

Corner.az-ın məlumatına görə, KPMG Football Benchmark konsaltinq şirkətinin hesabatına əsasən, İspaniyanın "Real Madrid" klubu yenə ilk pillədə qərarlaşıb.

"Kral klubu" 3,184 milyard avro dəyərlə ardıcıl dördüncü il siyahıya başçılıq edir. İkinci sırada İngiltərənin "Mançester Yunayted" (2,9 milyard avro) klubu yer alıb. İlk "üçlüy"ü isə digər İspaniya təmsilçisi "Barselona" (2,8 milyard avro) qapayır.

Almaniya "Bavariya"sı (2,749 milyard avro) dördüncü, İngiltərə "Liverpul"u (2,556 milyard avro) beşincidir.

Qeyd edək ki, KPMG Football Benchmarkın analitikləri Avropanın 32 klubunun dəyərini illik maliyyə hesabatlarına və onların təxmini qiymətlərinə əsasən hesablayıb.