Qarabağ Avropanın çempion klubları arasında ilk 5-lik'də

Avropa ölkələrində ən yaxın izləyicisindən daha çox fərqlə çempion olan futbol klubları açıqlanıb.

Corner.az xəbər verir ki, "Sport-fm" nəşrinin araşdırmasına əsasən, ilk "5-lik"də Azərbaycan çempionu "Qarabağ" da yer alıb.

Mövsümü 69 xalla başa vuran və gümüş medalçı "Neftçi"ni 19 xal qabaqlayan Ağdam klubu bu göstəriciyə görə Yunanıstan "Olimpiakos"u ilə birlikdə 4-5-ci yerləri bölüşdürür. Afina təmsilçisi 83, onun ən yaxın izləyicisi PAOK isə 64 xal toplayıb.

İlk pillədə Bosniya və Herseqovinanın "Zrinski" klubu yer alıb. 84 xala malik ölkə çempionu "Tuzla Siti"ni 27 xal qabaqlayıb.

İkinci sırada Avstriya "Zaltsburq"u (+25), üçüncü yerdə isə Bolqarıstan "Lüdoqorets"i (+21) qərarlaşıb.