Juventusun ulduz futbolçusu Cristiano Ronaldo, Ballon d'Or namizədliyi haqqında danışarkən Lionel Messini də unutmayıb.
Corner.az-ın xəbərinə görə bu mövsüm 6-cı dəfə Ballon d'Or mükafatı üçün yarışacaq olan Cristiano Ronaldo, France Football jurnalına verdiyi müsahibədə Barcelonadan Lionel Messi haqqında da maraqlı ifadələr işlədib.
Mükafata layiq olduğunu ifadə edən Ronaldo, '' 6-cı dəfə Ballon d'Or-u qazanmaq kimi bir problemim yoxdur. Onsuz da futbol tarixinin ən yaxşılarından biri olduğumu bilirəm. Amma təbii ki qazanmaq istəyirəm. Çünki bu mükafata layiq olduğumu düşünürəm. Bu il Messi podiumda olacaq mı bilmirəm. Rəqiblərim Salah, Modric, Griezmann, Mbappe, Varane olacaq. Fransızlar çoxdur çünki Dünya Kubokunu qazandılar. '' deyə bildirib.
''10 ildir yalnız ikimiz eyni səviyyədəyik'
10 ildir eyni səviyyədə yalnız özünün və Lionel Messinin oynaya biləcəyini söyləyən 33 yaşındakı futbolçu, '' Mənim yaşımda böyük bir komandadan başqa bir böyük komandaya 100 milyon avroya transfer olan kimsə yoxdur. Mənim yaşımdakı oyunçular Çin, Birləşmiş Ərəb Əmirlikləri, Hindistan və ya başqa ölkələrə gedirlər. Yalnız mən və Messi bu səviyyədə 10 ildir eyni qalırıq. Fərqli bir idmançı, fərqli bir şəxsiyyətə sahib olduğum üçün özümlə qürur duyuram. '' deyib.
