Qarabağ'ın hücumçusu ikinci ən yaxşı bombardiri oldu

"Qarabağ"ın futbolçusu İbrahima Vadji 2021/2022 mövsümündə Seneqalın ən yaxşı bombardirləri sırasına düşüb.

Corner.az-ın məlumatına görə, 27 yaşlı hücumçu wiwsport.com nəşrinin hazırladığı siyahıda ikinci yeri tutub.

O, ötən mövsüm ərzində qatıldığı bütün turnirlərdə 16 qol vurub. Qollardan 11-i Azərbaycan Premyer Liqasına, 4-ü ölkə kubokuna, 1-i isə Konfrans Liqasına təsadüf edib.

Siyahıya 23 qolla İngiltərə "Liverpul"unun və Seneqal millisinin yarımmüdafiəçisi Sadio Mane başçılıq edir. Üçüncü yerdə isə Çinin "Şanxay Port" komandasında 13 dəfə fərqlənmiş Şerif Ndiaye tutur.