Zirə Boludakı ilk matçda məğlub oldu

Türkiyənin Bolu şəhərində təlim-məşq toplanışında olan "Zirə" ilk yoxlama oyununu keçirib.

Corner.az-ın məlumatına görə, "qartallar" Rumıniyanın I Liqasında çıxış edən "Hermanştadt"la üz-üzə gəlib. "Koru" otelin meydançasında baş tutan görüşdə Rəşad Sadıqovun çalışdırdığı komandası 1:2 hesabı ilə məğlub olub.

Qarşılaşmada hesabı "Zirə" açıb. Hamidu Keyta 25-ci dəqiqədə fərqlənib. İlk hissə Azərbaycan təmsilçisinin minimal hesablı üstünlüyü ilə başa çatsa da, rəqib ikinci yarıda geri dönüş edərək, qalib gəlib.

Qeyd edək ki, "Zirə"nin Bolu toplanışında daha 2 yoxlama oyunu nəzərdə tutulub.