“Zirə”nin Avropa Konfrans Liqasının 2-ci təsnifat mərhələsindəki rəqibi “Makkabi” (Təl-Əviv) yoxlama oyunu keçirib. Corner.az xəbər verir ki, Niderlandda təlim-məşq toplanışında olan komanda ilk sınağına çıxıb.
İsrail təmsilçisi Almaniyanın “Alemanniya” klubu ilə qarşılaşıb. “Zirə”nin rəqibi 7-ci dəqiqədə qol buraxdığı bu oyunda 0:1 hesabı ilə məğlubiyyətlə üzləşib.
“Zirə”nin “Makkabi” ilə ilk oyunu iyulun 21-də Bakıda, cavab qarşılaşması isə bir həftə sonra İsraildə baş tutacaq.
