Fərid Qayıbov Qarabağ'ın oyunu ilə əlaqədar Respublika stadionunda olub

Gənclər və İdman Naziri Fərid Qayıbov Tofiq Bəhramov adına Respublika stadionunu ziyarət edib.

Corner.az-ın Ağdam klubunun rəsmi saytına istinadən məlumatına görə, nazir "köhlən atlar"ın Bakıda Polşa "Lex"inə qarşı keçirəcəyi UEFA Çempionlar Liqasının I təsnifat mərhələsinin cavab oyununa hazırlıq işləri ilə tanış olub və öz tövsiyələrini verib.

Ağdam klubunun vitse-prezidenti Fevzihan Araz F.Qayıbova zaman ayırıb işlərlə tanış olduğu üçün təşəkkür edib.

Qeyd edək ki, “Qarabağ”ın “Lex"lə ilk oyunu iyulun 5-də səfərdə, cavab görüşü isə bir həftə sonra evdə olacaq.