"Barselona”nın klubun qurucusu Joan Qamperin xatirəsinə keçirdiyi Qamber kubokunda buillki rəqibi müəyyənləşib. Corner.az xəbər verir ki, Kataloniya təmsilçisi Meksikanın “Pumas” klubu ilə qarşılaşacaq.
Görüş avqustun 7-də “Kamp Nou”da baş tutacaq.
Xatırladaq ki, “Barselona” daha öncə İtaliyanın “Roma” klubu ilə qarşılaşacağını açıqlamışdı. Lakin “canavarlar” bir neçə gün öncə xatirə matçında iştirakdan imtina etdiklərini bildirmişdilər. Bu səbəbdən də “Barselona” yeni rəqib axtarışında idi.
