Almaniyanın “Ersgebirge” komandası yeni mövsümə hazırlıq çərçivəsində növbəti yoxlama matçına çıxıb.
Corner.az xəbər verir ki, Azərbaycan millisinin yarımmüdafiəçisi Dmitri Nazarovun formasını geyindiyi Almaniya 3-cü liqa təmsilçisi Regional Liqada mübarizə aparan "Moyzelvits”lə üz-üzə gəlib.
Beş qolun qeydə alındığı matçda futbolçumuzun komandası 3:2 hesabı ilə qələbə qazanıb. Nazarov start heyətdə meydana çıxıb və 60-cı dəqiqədə əvəzlənib. O, sözügedən görüşdə dubl edib. Millimizin üzvü 5-ci dəqiqədə matçdakı ilk qola imza atıbsa, 35-ci dəqiqədə penaltini dəqiq yerinə yetirməklə hesabı 3:1 edib.
