Yeni mövsümə hazırlığı davam etdirən “Sabah” və “Səbail” komandaları bu gün yoxlama oyununda qarşılaşıb. Corner.az xəbər verir ki, sözügedən komandalar Masazırdakı “Bank Respublika Arena”da üz-üzə gəlib.
Dörd qolun qeydə alındığı matçda “Sabah” qələbəyə sevinən tərəf olub – 3:1. Meydan sahiblərinin heyətində Ceyhun Nuriyev dubl edibsə (11 və 13-cü dəqiqələrdə), digər qolu Camal Cəfərov (90) vurub.
