Futbol üzrə Azərbaycan millisinin hücumçusu Renat Dadaşov "Qrasshopper"də ilk matçına çıxıb. Corner.az xəbər verir ki, 23 yaşlı futbolçu Almaniyanın aşağı liqa komandası “Veen” ilə sınaq qarşılaşmasında meydanda olub.
Almaniyada baş tutan qarşılaşma isveçrəlilərin 3:2 hesablı qələbəsi ilə başa çatıb. Meydana 46-cı dəqiqədə çıxan Dadaşov həmin dəqiqədə komanda yoldaşı Hayao Kavabenin vurduğu qolun ötürməsini verib.
Xatırladaq ki, Renat iyulun 9-da "Qrasshopper"lə 2+1 illik müqavilə imzalayıb.
