Afrikanın ən yaxşı futbolçusu açıqlandı

Afrika Futbol Konfederasiyası (CAF) 2021/2022 mövsümünün ən yaxşı oyunçusunu açıqlayıb.

Corner.az CAF-ın rəsmi saytına istinadən xəbər verir ki, bu ada İngiltərə "Liverpul"unu Almaniya "Bavariya"sına dəyişən seneqallı hücumçu Sadio Mane layiq görülüb.

30 yaşlı oyunçu sabiq komanda yoldaşı misirli forvard Məhəmməd Salahı və İngiltərənin "Çelsi" klubunda çıxış edən qapıçı Eduar Mendini qabaqlayıb.

Qeyd edək ki, Sadio Mane ötən mövsüm "qırmızılar"ın heyətində ölkə kubokunu və Liqa Kubokunu qazanıb. Təcrübəli oyunçu ilin əvvəlində Seneqal yığması ilə Afrika Millətlər Kubokuna da sahib çıxıb.